Loluwari Média (Díli) – Klubu 32 rezistu ona iha Kopa Maun Bo’ot Kay-Rala Xanana Gusmão, sei kompete iha semana oin, halo ona rezistu kada ofisiais no treinador sira ohin ho komisaun organizadora (KO) Taça MBKRXG dada ona rifa hodi hatene ida-idak nia grupu.
Klubu 32 ne’ebé sei partisipa iha kompetisaun kompostu husi grupu 8, kada grupu kompostu husi ekipa 4.
|
Prezidente komisaun organizadora (KO), Feliciano Perpeito Ximenes, deside, kada klubu sei iha jogador estranjeiru ida maibe sira ne’ebé joga ona iha liga timor.
“Komisaun seidauk hatene klaru i seidauk hatene muito bom kona-ba jogador estranjeiru iha na’in hira tanba lista maioria seidauk entrega ba komisaun nia liman, maibé ami rona informasaun husi sira husu informasaun husi klubu sira katak jogador estranjeiru maibé durante joga iha liga 1 liga 2 agora dadauk iha Timor-Leste ne’e sira enkaixa hotu kedas klubu sira ne’e iha hotu kedas maibé kada klubu ne’e estranjeiru ida labele simu rua fo opurtunidade ba ita nia jogador nasional ho ita nia jogador baze husi lokal, ne’ebé jogador estranjeiru maioria iha timor-leste sira mai joga liga 1 liga 2 ne’e sira hotu iha klubu 32 ne’e,” afirma nia.
Jogador Bitaba FC, João Paulo da Costa, hatete, esperansa partisipa taxa MBXG, tanba tinan kotuk sai kampiaun no promote sei asegura hodi sai kampiaun iha 2024.
“Ami mai ho esperansa tanba tinan kotuk ne’e ami sai hanesan kampiaun ba taça ida ne’e i ba tinan ida ne’e ami mos preparadu para asegura nafatin ami nia kampiaun ne’e taxa ne’e ba iha tinan ida ne’e. Fc Bitaba.
Paulo haktuir maske jogadores barak mak ba ona servisu iha rai liur maibé jogadores lokal foun barak mak troka ona iha sira nia fatin hodi kompete.
“Tanba regra lahanesan iha tinan kotuk sei presiza jogador liga 6 depois kompete 4 hanesan tinan kotuk ne’ebe ami mos iha mudansa de jogador tanba ami nia jogador sira iha tinan kotuk ne’e, ida ne’ebé sai hanesan uluk mellor de jogador nia hetan tiha ona servisu iha Australia ne’ebé nia ba tiha kolega mudansa jogador barak ne’ebé ami tinan ida ne’e jogador barak mak foun. Ami iha ne’e jogador lokal de’it depois ho alin sira ne’ebé mak ativu hela iha liga sira ne’e, ami iha 25 jogador ne’ebé ami preparadu hotu ona ne’e mak atu kompete iha taça ida ne’e, Nia reforsa.
Paulo mos agradese ba kompaña patrosinador ne’ebé suporta sira nia klubu hodi halo jersey ba futebol tanba husi sira mak bele motiva hodi haforsa sira iha jogu. Durante ne’e emprezariu HGM Haksolok ajuda produz jersey ka uniforme ba jogador sira.
Jornalista: Nono
Editor: Loluwari
