Atu Haforsa Mentalidade no Fiziku  Membru F-FDTL 100 Resin Realiza Long Mars Liquiça – Dili

Loluwari Média (Liquiça) – Diretor Divizaun Pesoal, Forsa Defeza Timor-Leste (F-FDTL), Koronel Domingos da Câmara “Amico”, hatete, exersisiu Long Marsa nu’udar planu anual F-FDTL servisu iha Kuartel Jerál F-FDTL tenke halo tinan ida dala ida.

“Kona-ba Militár nia exersisiu ha’u sente ne’e hanesan aihan lorloron ho exersisiu ida ne’e bele aumenta Militár sira nia mentalidade no fiziku bainhira hasoru situasaun difisil ruma Militár sai hanesan Militár.” dehan Diretor Divijaun Pesoal, Forsa Defeza Timor-Leste (F-FDTL), Koronel, Domingos da Câmara “Amico” ba jornalista sira iha Liquiça hafoin exersisiu long mars, sesta (26/04).

Koronel Domingos hatete, exersisiu long mars nu’udar planu annual ne’ebé sempre realiza kada tinan atu aumenta militár sira nia mentalidade no fiziku.

“Exersisiu long ne’e ohin ita star husi Liquiça Kaitehu to’o remata iha Tasi-Tolu iha exersisiu long ne’e Militár hamutuk atus ida resin kompostu husi feto na’in 30 no mane hitunulu resin husi Komponente Terrestre, Navál, Aero, unidade Polísia Militár (PM) nomos unidade sira seluk.”

Exersisiu long mars hetan partisipasaun husi Koronel, ofisiáis Superior, Ofisiáis  kapitaun Ofisiáis  sup alternus inklui sargentu nomos prasas seguransa husi Polísia Militár.

Jornalista : Chay Risky

Editór : Loluwari