Loluwari Média (Díli) – Prezidente Komisaun Organizadora, Feliciano Perpeito Ximenes, hatete, Taça Maun Bo’ot Kay-Rala Xanana Gusmão, fo konfiansa ba Laleia oan organiza sei hala’o iha semana oin.
“Data realiza seidauk fiksu maibé komisaun tenta atu abertura iha semana oin, ne’ebé ami sei tenta ho ajenda sua exelencia primeiru ministru tanba na’in ba kopa hetan koñesimentu, autorizasaun i fo duni konfiansa ba ami Laleia oan atu organiza eventu ne’ebé ami sei hein orden, hetan orden ami realiza mos ami sei halo ajenda data rua ne’e ba iha sua exelencia primeiru ministru rasik avó Nana, ami orsida lokraik ou aban ami tenta fo data rua iha dia dois ou dia tres data rua ne’e sua exelencia sei deside”, dehan Prezidente Komisaun Organizadora Taxa MBKRXG, Feliciano Perpeito Ximenes, ba jornalista sira iha salaun FFTL Kampung Merdeka, sexta (26/04).
Feliciano relata, klubu hamutuk 32 mak sei kompete iha Copa avó Nana nian ba tinan ida ne’e tanba deskuti no halo ona teknikal meeting ho klubu sira kona-ba regulamentu ne’ebé komisaun organizadora.
“Ohin loron nian ba preparasaun ba kopa avó Nana, loron ida ohin ita komesa hakat ba faze ida teknikal meeting inklui dada rifa husi partisipante klubu hamutuk 32 agora dadauk iha ne’e komesa diskuti ona regulamentu, regulamentu ne’e fo sai ona, sira mos konkorda ho regulamentu.
ita sei la muda regulamentu sei prepara husi komisaun tanba ne’e adopta maximu husi AFC no FIFA nian mos ho ita nia uma fukun federasaun mak durante ne’e adopta, ne’ebé agora daudauk ita komesa atu hakat ba dada rifa ita lori hatene iha ne’e pool hamutuk 8, agora ne’e ita lori hatene klubu atu priense iha ida-idak nia pool 8 ne’e kada pool 8 ne’e iha klubu 4,” Feliciano realsa.
Klubu 32 ne’e kompostu husi, Relay FC, Buradu Fc, Buroma FC, Zhavia FC, Kampung-Alor FC, Mulia FC, Bitaba FC, Surya FC, Letefoho FC, Naimeco FC, Souza United, Coach Eleven FC, As Kantada FC, Dark Blue FC, Daudere Fortaleza FC, Jomar FC, Laivai FC, UEP FC, Aimou FC, Vila Vista FC, Lecidere FC, Ostico FC, H United FC, Laloran FC, Warik Oan FC, Assanami FC, B.D.P FC, Ir Timor FC.
Feliciano haktuir, komisaun organizadora tenta buka patrosinador sira hodi fo premiu ba manan na’in ne’ebé okupa primeiru lugar, segundu lugar, terceiru lugar no kuartu lugar tanba iha tinan ne’e Banku BRI Timor-Leste, Telemor, Banku Mandiri, Asosiasaun Chinesa, Kompaña Virny Unipessoal Lda, Dellos, no Ministeriu Juventude Desportu Arte no Kultura mos apoiu orsamentu ba Taça Maun Bo’ot Kay-Rala Xanana Gusmão ba tinan 2024.
Jornalista: Nono
Editor: Loluwari
