Loluwari Média (Díli) – Traballador Timor-Oan na’in 41 asina kontratu atu ba servisu iha Australia, maioria traballador sira re-entry nune’e kompaña bolu sira ba servisu tanba badinas, disiplina, tu’ir regra kompaña.
Traballador hamutuk quarenta um pessoas traballadores mane 23 feto iha 18, traballadores sira ne’e re-entry hotu kedas i sira ohin ita haree balin ate re-entry dala lima tiha ona signifika ita nia traballador sira ne’e hatudu sira nia atitude sira komportamentu ne’ebé diak durante servisu iha ne’eba tanba ne’e mak ema empregador estranjeiru malae bele bolu fali ita nia traballador sira ba iha sira nia rai, iha ohin ne’e husi kompaña tolu i kompaña sira ne’e hotu-hotu iha area agrikultura,” dehan DG Formasaun Profisional no Empregu, Carlito Rosario do Cabral, ba jornalista sira iha salaun Beach Garden, Pantai-Kelapa, Segunda (29/04).
Traballador sira ne’e SEFOPE hamutuk ho familia sira halo despedida atu husik traballador ba servisu iha Australia.
“Opurtunidade ohin ita hamutuk iha fatin ida ne’e hodi husik ita nia maluk traballador sira ne’ebé atu ba servisu iha Australia, babain programa ida ne’e ita bolu atividade despedida husik ita nia maluk sira ba servisu iha rai liur, ita tenke halibur sira iha fatin sira hanesan ne’e hodi fo lia menon no korajen ba sira nune’e ba servisu iha ema nia rai labele viola regra ne’ebé mak sira rasik asina nomós regra iha ema nia nasaun, tanba ne’e mak ohin loron despedida traballador sira ne’e tempu besik sira atu ba servisu iha Australia”, dehan Carlito.
DG husu traballador sira atu labele halai sai husi sistema tanba no ema sei fo valor negativu no taka mos programa kooperasaun husi nasaun rua ne’e.
“Iha opurtunidade ida ne’e ita fo mensajen ba ita nia traballador sira para sira labele koko ses husi sistema tanba se ita ses husi sistema nomór ne’e sai husi sistema ne’e barak iha nasaun ne’ebé sira servisu ba ema sei bele fo valor negativu ba ita i sekuandu barak demais ema bele taka programa ida ne’e entre nasaun rua ninian kooperasaun.
Tanba ne’e mak ita husu ba sira atu labele ses husi sistema, servisu tu’ir regra ne’ebé mak sira rasik asina entre sira ho sira nia familia no mós ho SEFOPE i nune’e depois sira nia kontratu hotu depois fulan 6 to’o tinan ida sira nafatin iha opurtunidade bele ba fali servisu iha ema nia rai,” Carlito afirma.
Diretora Interina DNEE, Maria Angela do Carmo P. Guterres, hatete, traballador sira ba servisu atu hetan no hetan esperensia hodi sustenta familia no sai empregador ba joven sira seluk iha Timor-Leste aban bainrua.
“Ita bo’ot sira ba servisu atu hetan osan, no hetan esperensia fila mai ita nia rai hodi sustenta ita nia familia nomós ba ita nia nasaun ne’e depois ita bo’ot sira mos labele traballador hela de’it tenke iha mehi ruma bainhira ita bo’ot sira ba servisu dala rua dala tolu ona iha mehi atu sai empregador ne’ebé diak hodi fo servisu ba joven sira presiza duni ita bo’ot nia tulun”, Nia Subliña.
Representante traballador, Saturnina Freitas Belo, hatete, daudauk ne’e ba faze segundu nian tanba hatudu prestasaun servisu ho diak.
“Ha’u servisu iha kompaña Sandra Strowberry, ha’u agora dadauk ba fase segundu nian antes ida ne’e ami hamutuk ho sira ba fulan sia servisu i agora dadauk mos sira bolu fila-fali ami ba servisu fulan sia nian”, Saturnina haktu’ir.
“Planu ba futuru ha’u agora daudauk bisnis ki’ik ida ho personal ha’u nia bisnis agrikultura maibé hau gosta tebes hakiak animal atu nune’e aumenta rendimentu agora dadauk hahu hakiak fahi no manu entaun ida ne’e tulun ha’u para mai fila-fali halo haluan tan”.
Jornalista : Nono
Editor : Loluwari
