Falur Husu Autoridade Seguransa Okupa Rai Estadu Iha Tasi 3 Koopera SEATOU Halo Eviksaun
Loluwari Média (Díli) – Xefe Estadu Maiór Jenerál Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek”, husu ba komunidade Tasi-Tolu koopera ho ekipa konjunta SEATOU atu halo eviksaun ba fatin ne’ebé alista mean ona.
“Ha’u husu ba komunidade iha Tasi-Tolu lalika halo retorika tanba tempu fakar ran no mate nia tempu liu ona ha’u husu ba komunidade ne’ebé okupa rai estadu diak liu koopera ho Sekretáriu Estadu Asuntu Toponomia Urbana hodi halo eviksaun bainhira la kopera mak autoridade seguransa sei foti asaun rigurozu.” dehan Xefe Estadu Maiór Jenerál Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek” ba jornalista sira iha Kuartel Jerál, F-FDTL, Fatuhada, Dili, tersa (30/04).
Xefe Estadu esplika komunidade no autoridade seguransa no Defeza ne’ebé okupa rai estadu iha Tasi-tolu diak liu koopera ho governu atu nune’e SEATOU bele halo eviksaun bainhira membru F-FDTL ou PNTL ruma mak halo asaun hasoru SEATOU mak PM sei halo aborda nia sei hetan sansaun no kastigu.
“Polísia Militár nia prezensa iha eviksaun ekipa konjunta SEATOU nian atu fo seguransa ba SEATOU bainhira membru Militár ou PNTL ruma mak halo asaun, PM prontu kaptura no halo aborda nia hodi fo sansaun tanba PM nia funsaun atu ajuda Xefe Estadu Maiór Jenerál ho irarkia ne’ebé iha.”
“PM nia kolokasaun iha eviksaun ekipa konjunta SEATOU nian sei kontinua bainhira kapital Dili hahu mudansa ona hahu husi ne’ebé to’o termina iha ne’ebé mak foin PM retira.”
“Komunidade no militár inklui PNTL tenke koopera ho estadu tanba tempu to’o ona governu halo mudansa ba ita nia nasaun tanba ne’e mak komunidade ida rua vitima maibé nia benefisiu ba ema hotu nia di’ak ha’u husu ba militár no polísia atu profisionál.”
Jornalista : Chay Risky
Editór : Loluwari
