Loluwari Média (Díli) – Aban tuku 2 lokraik komunidade sira ne’ebé okupa area protejida lagoa Tasi-Tolu realiza dialogu ho Sekretáriu Estadu Asuntu Toponomia Organizasaun Urbana (SEATOU) molok halo eviksaun.
“Ami fo hatene ba imi hotu liliu komunidade ne’ebé hela iha ne’e atu aban bele partisipa ho maximu ba dialogu ho SEATOU iha tuku 2 lokraik. Husu ba imi nia partisipasaun no kolaborasaun tomak.” Informa ekipa Gestaun Merkadu (GM) ba komunidade okupante espasu publiku sira iha Tasi-Tolu, Dili, kinta (02/05).
Hahu aban tuku 2 komunidade Tasi-Tolu hotu partisipa maximu iha dialogu ho Sekretáriu Estadu Asuntu Toponomia Organizasaun Urbana (SEATOU) molok halo eviksaun.
Rona apelu husi Gestaun Merkadu munisipiu Dili ne’e komunidade Tasi-Tolu ho antuziasmu basa liman kontente hein presenza SEATOU atu realiza dialogu tanba nu’udar sidadaun prontu apoiu desizaun governu nian hodi hato’o sira nia preokupasaun.
Observasaun loluwari.com iha terenu ekipa Gestaun Merkadu nia presenja iha Tasi-Tolu hetan seguransa maximu husi autoridade seguransa Polísia Nasionál Timor-Leste (PNTL), munisípiu Dili, lideradu husi Komandante opozisaun MD no ekipa Taskfor MD.
Molok ne’e ekipa konjuntu sekretariu estadu assuntu toponomia organizasaun urbana mos halo ona ezekusaun eviksaun iha suku Bidau Santa Ana no suku Becora parte terminal hasoru komunidade-negosiante sira ne’ebé mak okupa espasu publiku,
Maske hetan kritika makaas husi sosiedade sivil sira kona-ba presenza polisia militar iha eviksaun ne’e ekipa konjunta kontinua halo servisu tu’ir planu ne’ebé iha atu organiza Dili nu’udar kapital nasaun atu sai furak tanba nu’udar Imajen Timor-Leste hetan vizita husi bainaka sira husi estranjeiru.
Jornalista : Chay Risky
Editór : Loluwari
