F-FDTL – PNTL Identifika Fatin Risku 3 Iha Munisípiu Baucau

Loluwari Média (Baucau)-Komandante Polisia Nasional Timor Leste (PNTL), munisípiu Baucau Antonio Maria De Sá, Informa PNTL Identifika ona fatin Risku tolu iha munisípiu Baucau, ekipa konjunta sei destaka iha terrenu atu asegura selebrasaun loron matebian  (Finadu).

Komandante ne’e hatete fatin tolu ne’ebé sai risku mak, iha semiteriu publiku Bibi dalan Suku Kaibada, Semiteriu Publiku Wailili no Semitériu publiku Gariwai,tan ne’e Ekipa Konjunta sira sei Destaka membru sira iha Fatin hirak ne’e.

“Ita identifika fatin tolu ne’ebé potensial ba krime desordem Publika,ezemplu hanesan tinan tinan ida santa kruz ka semitériu Bibi dalan teulale, semiteriu Wailili no Gariwai tan ne’e mak ita sei destaka ekipa sira iha ne’eba.” dehan Komandante PNTL munisípiu Baucau Antonio Maria De Sá ba Jornalista sira iha atividade Reflesaun ba Prevensaun Konflitu ba Juventude no Komunidade sira iha suku Triloka Baucau tersa (01/11).

Antonio De Sá aproxima, maibe antes tama loron matebian ka finadu ekipa konjunta sira, tun direita ona iha fatin hirak ne’e hodi halo Reflesaun ba komunidade no Juventude sira, atu bele hasa’e kuñesementu hodi kontribui ba Estabilidade, nune’e komunidade sira ne’ebé ba kari aifunan iha seimiteriu sente haksok iha loron Importante ne’e.

“Fatin hirak ne’e ita ba ona halo dialogu ka Reflesaun ,no ita mós sei koloka seguransa fixu sira iha ne’eba, nune’e sira bele Halo seguransa perante perometru ida imediata ,proxima no afastada ,tanba ne’e mak Forsa rua bele Asegura ba eventu ida ne’e.” Esplika Komandante PNTL Baukau ne’e.

Nia haktuir tan Alende ne’e ,Ekipa Konjunta ne’ebe Kompostu Husi Falintil Forsa Defesa Timor leste (F-FDTL),Polisia Nasional Timor Leste (PNTL), Batalhão Ordem Publika (BOP), Polisia Mitra (PM), Preparadu ona atu fo Seguransa ba Komunidade sira iha Fatin hotu hotu Liu liu seimiteriu Publika sira iha Baukau, nune’e Komunidade sira ba kari Aifuan ,bele sente hakmatek no labele tauk.

“Ekipa preparadu 24 horas hodi bele fo Seguransa ba ita nia komunidade sira iha loron bo’ot Finadu ida ne’e. “Tenik Antonio.
Tan ne’e Autoridade Seguransa sei la tolera ,aktus krimi ruma wainhira akontese iha selebrasaun loron Matebian nian ka Finadu.
Ho ida ne’e Autoridade Seguransa apela ba sidadaun hotu hotu atu bele kria pas no Estabilidade nune’e bele kontribui ba Desenvolvimentu Nasaun nian.

“Buat ida krime ita hotu hotu hakribit,i Buat ida krime nemos komun ba se deit,tanba ne’e sidadaun hotu tenki kompri dever liu liu joven sira,Hanesan autoridade seguransa sei la fo Espasu ba krimi ruma,” afirma Komandante ne’e.

Enkuantu loron 2 Novembru, nu’udar loron importante ba povu Timor-Leste ne’ebé kada tinan selebra loron Finadu, nu’udar tradisaun ne’ebé hori uluk kedas sempre selebra too ohin loron.

Sentidu husi loron finadu ne’e mós haktuir ema hotu-hotu sei hakbesik ba nia knua hodi bele selebra loron importante ho familia sira.

Jornalista : Javelino Silva
Editor : Loluwari