Jornalista/Javelino Silva
Loluwari Média (Baucau)-Iha Tersa Kalan ne’e Porvota iha tuku 19 liu minutu 30 oras Timor-Leste, akontese asidente trafiku ida iha suku Triloka, postu administrativ Baucau, munisipiu Baucau, rejulta mikrolete ho Xapa matrikula 38-188TL soke kareta Pajero ho xapa matrikula 27-028 iha area Leki-Loiwatu nian.
Informasaun ne’ebé loluwari.com Asesu iha fatin akontesementu katak, Kareta Pajero ho xapa matrikula 27-028 ne’e, husi diresaun Díli-Baucau atu ba selebra loron Matebian ho familia sira, maibé bainhira to’o iha uma oin, atu tama ba uma, hetan soke husi mikrolete ne’ebé mai husi diresaun Fatumaca halai kansaun ho velosidade aas.
Nune’e Soke Kois Kareta Pajero, hodi halai sai husi Valeta no ba soke fali tan Motor Komunidade nian ne’ebe para hela iha Areadores uma nian, hodi rejulta Motor ho Marka Revo Fit Xapa Matrikula Q-9301, hetan estragus total.
Motorista Pajero Marciano da Costa haktuir, akontesementu ne’e bainhira nia to’o husi Díli Mai, atu tama ba uma fo antes ona sinal lampu tama (Lampu seng), maibé derepente de’it hetan Soke husi Mikrolete, no rejulta Motorista Pajero sofre kanek husi Parte Liman karuk.
“Hau husi Diresaun Díli mai Triloka atu Finadu,hau foin to’o mak asidente ne’e i hau hare sira mai halai Velosidade Bo’ot,”Motorista Pajero haktuir situasaun ne’ebe akontese ne’e ba Loluwari.com iha Fatin Akontesementu iha Suku Triloka (01/11).
Hafoin Liu tiha Minutu Balun Polisia Nasional Timor Leste (PNTL) Munisípiu Baukau ,liu husi Seksaun Tranzitu Rodaviariu to’o kedas iha Fatin hodi foti dadus no halo ezaminsaun ba Fatin Akontesementu ne’e no Prende Mós Alkohol (Tua sabu), Ne’ebé iha Kareta Mikrolete Laran, ne’ebe Deskonfia Komsumu husi Motorista Mikrolete, ho kondisaun lanu hafoin Konduz Kareta la kontrola Velosidade.
Informasaun ne’ebé loluwari.com rekólla iha fatin akontesementu katak, Mikrolete ne’e mai husi Diresaun Fatumaca tanba iha parte loraik ne’e, tula familia sira ba Kari aifunan iha jardím dos erois fatumaka,hafoin Fila husi ne’eba hetan asidente iha dalan.
To’o Publikasaun notisia ne’e Loluwari.com, tenta konfirma unidade polísia Tranzitu Baucau maibé seidauk fo komentariu ba asindente Trafiku ne’e, tanba sei iha faze Investugasaun.
Jornalista : Javelino Silva
Editor:Loluwari
