Traballador Timor-oan Besik Rihun Ida Resin Servisu Illegal Iha Australia
Loluwari Media (Díli) – Diretor Geral Formasaun Profisional No Empregu, Carlito do Rosario Cabral, hatete, traballador Timor-oan sira ne’ebé servisu iha Australia besik rihun ida resin mak illegal.
“Traballador sira ne’ebé halai ses husi sistema dadus serteza ha’u seidauk iha maibé pur volta besik ona mill traballadores mak halai ses ona husi sistema, se sira ne’ebé sai ona sistema signifika illegal, ema konsidera hanesan illegal ona i sira mai la fasil atu fila-fali servisu iha ema nia rai ne’e tu’ir regra imigrasaun nian iha ema nia rai só tinan liman ba leten mak bele fo fali autorizasaun ba tama fali ema nia nasaun”, dehan Diretor Geral Formasaun Profisional no Empregu, Carlito do Rosario Cabral, ba jornalista sira iha salaun Beach Garden Pantai Kelapa, segunda (29/04).
Maske traballador sira ne’ebé halai ses husi sistema maibé nafatin kontaktu ho adidu no hakbesik ba embaxada nune’e bele motiva no enkoraja nafatin traballador sira atu bele tama fila-fila sistema. Carlito haktu’ir.
“Halai sai husi sistema ba ita nafatin ko’alia ho adidu no ita nia embaxador iha ne’eba para hakbesik nafatin ba sira hodi enkoraja nafatin sira hodi tama fila-fali sistema ou sela diak liu mai fali Timor mak ba fali se lae afeta ba ita nia koopersaun entre Australia ho Timor-Leste,” DG afirma.
Jornalista: Nono
Editor: Loluwari
