Loluwari Média (Dili) – Portavós Polísia Nasionál Timor-Leste (PNTL), Superintendente polisia, António da Luz, hatte, Situasiaun jeralmente iha suku Lourba no Karabau postu administrativu Bobonaro munisípiu Bobonaro agora dadaun situasiaun lao normal tanba Prezidente Autoridade Munisípiu Bobonaro ho kepalate munisípiu Bobonaro inklui Autoridade lokal husi suku Karabau no Lourba hodi promete sei la akontese situasaun asalta malu no sunu uma.
“Ita nia komunidade husi suku Karabau no Lourba ho autoridade lokal sira simu malu no hakuak malu ho sinal katak sei la akontese tan problema, no sei nahe biti bo’ot simu malu hanesan fetosan humane, nomos iha fatin ne’eba ita nia seguransa Unidade Espesiál Polísia (UEP) no Forsa Defeza Timor-Leste (F-FDTL) sei asegura nafatin iha fatin refere.” dehan Portavós Polísia Nasionál Timor-Leste (PNTL), Superintendente polisia, António da Luz, ba jornalista sira iha Centru Formasaun Polisia (CFP) Comoro Díli, tersa (07/11).
Nia afirma situasaun seguransa iha munisípiu Bobonaro lao diak ona tanba komunidade husi suku Karabau no Lourba ho nia autoridade lokal simu malu hodi hakuak malu no halo dialogu hodi simu malu nu’udar fetosan humane no promete sei la halo tan problema.
“Liuhusi meius balu ne’ebé ita nia komandante munisípiu Bobonaro liuhusi eskuadra nomos OPS iha Bobonaro hamutuk ho ita nia forsa Armadas destaka iha ne’eba sei halo dialogu ho suku sira seluk atu fo hanoin ba ita nia komunidade husi suku sira seluk atu bele koopera ho autoridade lokal sira hodi buka tu’ir supeitu sira ne’ebé halo problema iha suku Lourba ninian nomos parte PNTL liliu Servisu Investigasaun Kriminál (SIK), hala’o hela nia servisu hodi Identifikasaun ba kazu ne’ebé akontese iha suku Lourba ho Karabau .”
Nia haktu’ir, iha akontesimentu ne’e komunidade nia uma balu hetan estragus no sunu inklui mos ema na’in hitu hetan kanek no agora dadaun hala’o hela tratamentu saúde iha Hospital no balu rekopera ona maibé prosesu investigasaun la’o nafatin atu nune’e bele hetan autor loloos ne’ebé problema iha momentu ne’eba.
“Prosesu investigasi lao hela ne’ebé ita hotu hein prosesu hotu, sei aprezenta ba Ministeriu Publiku (MP) hodi aprezenta ba Tribunal hodi bele hetan justisa loloos ba kazu ida ne’e, ne’ebé ita entrega ba parte Investigasaun hodi halo nia servisu , suspeitu na’in 7 ne’e iha prosesu identifikasi nia laran no ita hein katak tempu badak ita sei hetan autor sira ne’e.”
Vitima na’in hitu ne’e kanek tanba saida, kona fatuk ka ema mak ta’a ka, iha buat seluk iha hotu ona prosesu investigasaun nia laran mak hodi fo sai ba ema hotu katak akontesimentu ne’e husi asaun saida mak sira hetan kanek.
“Vitima ida ne’ebé Grave ne’e sei halo tratamentu saúde iha Hospital Nasionál Guido Valadares (HNGV) Díli ida ne’ebé rekopera ona fila ba sira nia uma ita hein prosesu investigasaun no prosesu justisa mak sei hatene klean motivu husi saida mak sira kanek ne’e.”
Jurnalista : Chay Risky
Penyunting : Loluwari
