Loluwari Média (Atauro) -Prezidente Republika (PR), José Ramos-Horta, agradese povu Atauro simu abertura eventu Festival kultural iha munisipiu espesial Atauro susesu.
Povu munisipiu espesial Atauro ho Antusiasmu simu Xefe estadu ho Bero 50 hodi abertura ba loron Festival no Kulturál iha Rejiaun Espesiál Atauro.
“Ha’u fo ha’u nia parabens no agradese ba povu Atauru tomak inklui autoridade lokal sira hotu nia esforsu hodi realiza eventu Festival ida ne’e iha Atauro no Atauro sai ona Munisipiu Espesiál,” dehan Prezidente da Republika (PR), José Ramos-Horta ba jornalista sira iha iha Atauru (21/11).
Xefe Estadu dehan povu Atauro tomak simu Festival Kulturál no Musika mai iha ne’e atu anima ba povu Atauru oan tomak.
“Ami nia Bemvindu no agradese ba Xefe Estadu no kometiva tomak ohin ita hamutuk realiza Festival Musika no Kultural iha Atauro. Prezidente Munisipiu Atauro Domingos Soares afirma,
“Festival ida ne’e ha’u hanoin dahuluk realiza iha Munisipiu Atauru hafoin tinan 4 liu ba husi postu Administrativu, Atauro hodi uluk kedas tempu portugues nian sai parte integradu husi kamara Munisipal de Dili nu’udar postu Administrativu hafoin Timor-Leste restaura nia indepedensia ba ukun rasik an ho dia 01 de Janeiru 2022 transforma postu Administrativu ba Munisipio,”Nia sublina
Ho transformasaun ida ne’e lori Atauru oan tomak nia naran hato’o agradese laiha rohan ba Estadu liu husi governu Konstitusaun da ualu ne’ebé ho vontade politika tomak no kompletu deside altera lei numeru 11/2009 konaba divisaun Administrativa teritoriu ne’ebé fo biban hodi estabelese ona Munisipiu Atauru sai Munisipiu.
Munisipiu Atauru nia area Georgrafikamente mak rai Atauru ne’e rasik nia luan 150 kilomedru kuadradu, Munisipiu Atauru ho total populasaun ba sensus umakain 2015 nian hamutuk Rihun 11,744 total populasaun feto 809 no mane 713 namkari iha aldeia 19 nia laran.
“Ami Atauru oan sira kompromotiva hodi hamutuk iha espiritu ida “Kariklema” hahu no halai tuku sia, Festival Musika no Kultural mai ita hamutuk dezenvolve Munisipiu Atauru sai hanesan Turistiku ida iha ita nia nasaun ho asaun ida hanesan Festival ida ne’e bele lori Atauru ba mundu,ami nia esperansa kontinua halai ho espiritu luta exelensia sira nian ho deside realiza Festival mai iha Atauru sai exemplar mai ami hotu ho eselensia sira nia apoiu tomak hodi dezenvolve futuru Atauru nain.
Jornalista : Chay Risky
Editór : Loluwari
