Diferensia Ideologia La Sai Bareira Ba Lasu Amizade No Fraternidade Umana
Loluwari Média (Maliana) – xefe Delegasaun Kupang, Mariano Mascarenhas, benci, Timor oan ne’ebé iha tinan 1999 tu’ir Refuziadu ba hela iha Kupang Nusa Tengara Timur (NTT) agradese ba governance ho eventu Festivál Fronteira (FF) realiza rekonsiliasaun kulturál dahuluk iha munisípiu Bobonaro.
“Ami iha preparasaun durante fulan ida hodi mai tu’ir FF ida ne’e, ami agradese ba governanceu bele konvida ami mai tu’ir FF signifika diferensia ideologia la sai bareira ba ita nia lasu amizade no Fraternidade umana no ita nia kulturál sei kesi metin ita sai ida de’it.” dehan xefe Delegasaun Kupang, Mariano Mascarenhas ba jornalista sira iha Ginajiu Maliana, sexta (17/11).
Refuziadu Timor oan ne’ebé hela iha kupang NTT durante tinan 23 ona hanoin nafatin rai timor nia orijen kulturál no lisan kesi metin fraternidade humana. Mariano nyata.
“Timor iha fronteira maibé ita ida deit ilha timor ida bareira rua maibé ita de’it ho kulturál ida de’it ita hamutuk hametin ita nia rekonsiliasaun ba dame mak importante.” Nia haktuir.
Timor oan sira ne’ebé hela iha Kupang partisipa festival fronteira hamutuk neen nulu resin ho grupu kulturál ida ho tebedai, dansa kulturá no iha poezia ne’ebé prepara ona ba Festival Fronteira 2023.
“Ami sai husi Kupang mai to’o Maliana ami agradese tebes bainhira ami to’o iha Balibo ami han hamutuk ho Prezidente Autoridade Munisípiu Bobonaro no komunidade Balibo ne’ebé antusiazmu simu ami ho diak no hat ba ami ita ne’e familia no dame ne’e mak importante maske hanoin lahanesan polítika polítika ideologia la hanesan maibé ita nafatin familia no kulturá ida deit ne’ebé uluk ita nia avo beiala sira kuda hela mai ita.”
“Ami iha esperansa ba eventu importante ida ne’ebé ohin loron ita realiza tenke kontinua ba oin no ba ita nia jerasaun ba jerasaun liliu ita nia juventude sira atu banati tu’ir saida mak ita nia avo beiala sira kuda mai ita.”
Jurnalista : Chay Risky
Editor : Loluwari
