Loluwari Media (Dili) Asisten Sekreraria Jeral Organizasaun das Nasoes Unidas (sigla Portugues ONU) nune’e mos koordenador ba Movimentu Nutrisaun Gerda Verbung hateten, ohin koalia ona ho PN sira atu bele tau politiku dezenvolve seguransa ai-han,tanba ida ne’e importante ba Dezenvolvimentu ekonomia Timor-Lesste.
Asisten sekreraria jeral ONU Gerda Verburg nune’e mos koordenador ba Movimentu Nutrisaun nivel mundial ohin halo Enkontru ho Prezidente Parlamentu Nasional (PPN), Vise Parlamentu Nasional (VPN) ho lideres bankada balu kona-ba kona-ba seguransa ai-han.
“Hau koalia ona ita boot sira nia PN atu bele tau politiku dezenvolve seguransa ai-han sai prioridade politika ba partidus hotu-hotu,tanba ida ne’e importante dezenvolvimentu ita nia ema kapital umanu nune’e mos dezenvolvimentu ekonomia iha Timor-Leste nia.” Asisten Sekreraria Jeral ONU hateten ba Jornalista sira iha resintu Parlamentu Nasional, Dili Tersa ,(29/11/22).
Asisten sekreraria jeral ONU mos koalia kona ba importansia atu investe iha ema liu-liu iha labarik ki’ik sira hahu husi ninia loron primeiru nian.
“Ami mos fo importansia kona-ba susu been fo susu ba labarik no PN konkorda ka apoiu tebes lei kona-ba susu been formula ka susu been substituisaun sira.” Gerda Verbung esplika
Nune’e mos PN apoiu tebes kona-ba lei fortifikasaun ai-han ne’ebe atu fortifika ai-han sira hanesan foos, terigu,mina no seluk tan,atu nune’e hahan sira ne’e bele iha konteudu vitamina ne’ebe importante ba dezenvolvimentu fiziku no kakutak ema Timor-Lesste sira nian.
“Ita hotu hatene katak tinan oin ne’e eleisaun, maibe hau espera katak depois eleisaun nutrisaun no seguransa ai-han bele sai nafatin hanesan prioridade ba partidus politikus sira oin mai, nune’e mos ba Governu atu forma oin mai.” Nia Hakotu
Jornalista: Gaudencia Belo
Editor : loluwari
