Zevonia : AJTL fo formasaun kona ba Kombate Disinformasaun “Fake News” ba jornalista nain 50
Loluwari media (Dili) Prezidente Asosiasaun Jornalista Timor-Leste (AJTL) Zevonia viera hateten AJTL servisu hamutuk ho Consellu Imprensa (CI) Uited Nation Educational Scientific and Cultural Organization (UNESCO) ,Timor-Leste Press Union (TLPU) ,Uiversidade Nasional Timor Lorosa’e (UNTL) no hetan apoiu husi Kingdom Of The Netherlands fo formasau n ba jornalista nain 50 ho tema “COMBATING DISINFORMATION & FAKE NEWS”.
Partisipantes sria ne’e mai husi media Eletronika,Jornal no Online hanesan RTTL,E.P,GMN,TVE,GARDAMOR-TV,RTM,RCC,Radiu Labeh,RTK,,RKDTL,JORNAL INDEPENDENTE,Timor-Post,Busines Timor,Dili Post, Online Loluwari,Neon-Metin,Naunil,Lafaek News,Dili Wikli,RHTO,Media One-Timor,Sapnews, Media Mudansa no partisipantes nain 50 sei fahe ba grupu rua kada gurupu ida ema nain 25,grupu I hahú ohin to’o aban no grupu II sei kontinua iha loron 7-8 fulan ne’e.
Formasaun ne’e durante loron haat 4 maibe grupu I loron rua grupu II loron rua formasaun refere AJTL servisu hamutuk ho CI,UNESCO,TLPU,UNTL no hetan apoiu husi Kingdom Of The Netherlands hodi fasilita fo formasaun ba jornalista nain 50 ho tema “COMBATING DISINFORMATION & FAKE NEWS” no sei fasilita husi formador nain tolu mai husi AJTL,TLPU no UNTL sira nain tolu sei fo formasaun ba imi kona ba tekniku identifika informasaun falsu uza metodu (cekfakta sigla bahasa Indonesia) durante formasaun tenki husu perguntas barak,tanba teoria no pratikauza sei uza Google map atu identifika informasaun falsu sira iha Timor ka Nasaun sira seluk,” Prezidente AJTl Zevonia Viera hateten bainhira abertura ba formasaun refere iha Edifisiu Habura Farol Dili Segunda,(05/12/22).
Prezidente ne’e AJTL Zevonia husu ba partisipante sira durante iha formasaun nia laran tenki husu perguntas tanba pratika buat barak labele moe atu husu, nune’e bele hasa’e imi nia koñesimentu kona ba Kombate Disinformasaun ka (Fake News) verifika informasaun falsu no liu-liu iha eleisaun parlamentar tinan oin.
“Iha eleisaun parlamentan hau fiar propaganda barak sei mosu iha ne’eba halo ema barak sai vulneravel ba iha informasaun sira ne’e,tanba ne’e ita iha responsabilidade hodi konbate informasaun sira ne’e,” Prezidente AJTL Sublina.
Tanba ne’e imi sira tuir treinamentu ne’e mak sei sai fali treinador ba iha kolega ka grupu balu ne’ebe mak iha liur no RKDTL sei sai treinador iha RKDTL fo formasaun ba sira hodi kombate informasaun falsu sira ne’ebe akontese iha Timor-Leste no espera katak ho formasaun ne’e imi hotu bele tuir no aproveita ho diak hodi nue’e bele servisu hamutuk iha futuru.
Iha fatin hanesan Diretor DADM, Alberico da Costa Junior mós reforsa, formasaun ne’e diak AJTL servisu hamutuk ho CI,unesco,TLPU no UNTL ne’e oportunidade diak ba jornalista sira hodi hametin pontus tolu prinsipal.
Primeiru hametin kapasidade jornalista sira nia tekniku,segundu tenki pratika bei-beik selae haluha lakon.
“Terseiru hamtein ita boot sira nia kompetensia profissional lao tuir prinsipiu sira ne’ebe ita iha no mós kode étika,bainhira ita koalia kona ba profissionalismu jornalista nian la’os koalia kona ba señoridade katak hau nia kapasidade diak liu sira ne’ebe foin hahú ,” Diretor DADM, Alberico da Costa Junior sublina.
Tuir kapasidade jornalista sira tenki analiza ba materia sira ne’ebe mak imi hetan iha formasaunn ida ne’e kona ba kombate informasaun falsu (fake news).
“Hau hanoin treinamentu ida ne’e importante tebes ba ita boot sira verifika informasaun sira ne’ebe espalla iha media sosial la’os deit ema bai-bain mak produs maibe ita jornalista sira mos produs (Fake News) ita nia media profissional sira balu mos produs ( Fake News) bazeia ba rezultadu ne’ebe Consellu Imprensa monitoriza ida ne’e mak ita boot sira atu identifika notisia sira ne’ebe mak ( Fake News), besik ona tama ba iha ambitu eleisaun Parlamentar tinan oin mai” Nia hakotu
Jornalista : Delfina Borges
Editor : Loluwari
