Loluwari Media (Baukau)- Oitavu Governu Konstituisional Ne’ebé Lideradu husi Primeiru Ministru Taur Matan Ruak ,Iha Nia Governasaun ne’ebe Forma husi Partidu tolu Hanesan Partidu Kmanek Haburas Unidade Nasional Timor Oan (KHUNTO), Partidu Libertasaun Popular (PLP), no Frenti Revolutionario Timor Leste Independente(FRETILIN), Hodi hasai no aprova Rezolusaun Governu Nian ida ne’ebe hodi tulun familia Vulneravel,no Kbi’it laek sira ,liu husi Programa Nasional Desenvolvimentu Suku (PNDS), hanaran Uma Kbi’it Laek (UKL).
Programa Oitavu Governu Konstituisional hanaran Uma Kbi’it Laek (UKL) ne’e, ho objektivu hodi apoiu no tulun Komunidade sira iha Teritóriu nasional ne’ebe laiha Kbi’it hodi konstrui sira nia uma Rasik.
Iha Tinan 2022 ne’e Governu Aloka tan osan 71millaun husi Orsamentu Geral Estadu (OGE) 2022 hodi kontinua halo uma ba Familia Kbi’it Laek Hamutuk rihun 4.000 iha Teritóriu Timor Leste, ne’ebé kada suku hetan uma sia.
Husi Politika Governu nian ne’e, mak hatudu Realidade ba Komunidade sira, liu liu Benefisiarius sira iha suku Triloka ,Hamutuk nain sia ne’ebé iha loron 31 fulan janeiru ne’e Ofisialmente Estadu entrega tan ona uma Foun ba Familia Kbi’it Laek sira.
Iha serimonia Entrega Uma Kbi’it Laek ba Benefisiaria sira iha Suku Triloka, Lideransa Lokal sira husu Ba Benefisiariu sira atu bele kuidadu Fasilidade ne’ebé Estadu fo, atu uza hela no dura to’o tinan naruk.
” Hanesan autoridade Lokal sente kontente tebes ho Programa Governu nian ida ne’e, Tanba bele Fo Benifisiu ba ita nia komunidade sira Ne’ebé presiza tebes Estadu nia tulun, tanba nudar Sidadaun ida presiza hela iha uma dignu.” Xefi Suku Triloka Alexandre da Costa dehan ida ne’e ba Jornalista sira iha ambítu Entrega Uma Kbi’it Laek ba Familia Benefisiariu sira ne’ebe Hala’o iha Suku Triloka Baukau tersa ne’e (31/1).
Autoridade Lokal Suku Ne’e apelo ba Benefisiariu Uma Kbi’it Laek, atu uza ho Kuidadu ba Uma ne’ebé Estadu fo,Nune’e diak Nafatin no dura to’o tinan narauk.
“Hau nia apelo ba Benefisiariu sira mak tenki kuidadu uma ne’e, estadu fo uma tanba ita sira la Kbi’it atu halo uma rasik,tan ne’e mak buatnne’ebe estadu fo kuidadu ba hodi Nune’e to’o tinan naruk.” Apelu husi Autoridade Lokal Triloka.
Benefisiaria Uma Kbi’it Laek Agostinha Da costa, Espresa sentimentu ksolok,tanba uma ne’ebé nia hetan konsidera nudar sorte ida ba nia.
“Hau husu obrigadu barak ba estadu ne’e, tanba bele fo ona uma foun ba hau, maske hau nia forsa laiha atu hari uma rasik maibe ho governu tulun bele hakman ona hau nia susar.” Espresa sentimentu Ksolok ho Matawen wainhira simu uma foun husi Estadu.
Diretor Geral Desenvolvimentu rural ,Ministeriu Administrasaun Estatal, Roberto Guteres Fundamenta, Iha tinan Fiskal 2023 ,Oitavu Governu Konstituisional sei au osan nafatin ,hodi kontinua ho Programa ne’e ,nune’e tulun Nafatin Komunidade sira Ne’ebé presiza duni apoiu husi Estadu.
“Se ida ne’e diak ba povu i povu mos diak ba ami,Governu se deit mai bele kontinua Nafatin ,i ba oin mos ita sei tau nafatin osan hodi bele halo hanesan ne’e.” Imforma Direktor Roberto Guteres.
Total Benefisiariu iha SukuTriloka ne’e hamutuk ema nain 9, mai husi Aldeia Leki-Loiwatu, Aubaka,Makadai no Badu ho’o.
Konstrusaun uma naroman ba povo faze segundu iha suku triloka hamutuk 9 ho total orsamentu $153,036 ne’ebe kada uma nia gastu $17,034,00.
Jornalista:Javelino silva
Editor:Loluwari
