Loluwari Média (Bobonaro) – Sekretáriu Geral partidu Demokrata Cristão PDC Geraldo Sarmento Ximenes, promete, bainhira hetan konfiansa husi povu PDC sei hadia setor agrikultura no Peska
PDC realiza kampaña halo Mini kampaña iha postu administrativu Atabae Munisípiu Bononaro ho wanhira PDC hetan asentu iha Parlamentu Nasionál (PN) sei hadi’a setór Agrikultura Peska
“Partidu PDC kompromete wainhira hetan vitoria sei hadi’a setor Ekonomia Agrikultura Peska ,PDC mai ho nia programa prioridade mak hakarak,Hadi’a Agrikultura iha postu Administrativu Atabae Munisipiu Bobonaru nune’e bele moderniza ba setor agrikultura iha Munisípiu Bononaru,sai mos hanesan fontes ai-han Timor laran tomak, atu moderniza ida ne’e liu husi apoiu ekipamentus ba to’o nain sira nune’e sira bele hahu husi kuda no to’o ba iha kolleta hodi ba fa’an iha merkadu no bele mos rai iha armazen bele mos desloka ba rai liur.” Dehan Sekretariu Geral Partidu PDC Geraldo Sarmentu Ximenes ba jornalista sira iha postu Atabae Sabado ne’e, (29/04/2023).
Sekretario Geral PDC akresenta tam katak durante ne’e sasan ne’ebe mak iha hela maibesempre importa husi rai liur ho ida nee PDC hakarak atu halo moderniza ba setor Ekonomia no Agrikultura hodi hasa’e produsaun husi Munisípiu sira hotu halo mos redusaun husi importasaun sira husi rai liur.
“Ita mos hakarak hadi’a iha postu Atsabe nia setor peska sira tamba hare ba realidade ne’ebe mak hare husi Postu Administrativu Atabae nian,ita hotu hare ita konsumu barak liu mak ikan lata sira ne’ebe mak importa husi rai liur lakoi atu konsumu ka promove ikan ne’ebe mak ita nia rai laran mos iha ho ida nee PDC iha planu hakarak atu kapasitas sira no fo ekipamentus ba sira no loke armazen ba sira,iha mos fornesimentu ba peskador sira.”
Halo mos industri ba ikan sira produk ikan lata no seluk tan nune’e ita labele on importa husi rai liur ita mos bele atu halo rasik iha ita nia rai Munisipiu Bobonaru potensial ba iha Agrikultura no mos peska PDC hakarak fornese moris diak ba povu sira ida nee mak PDC sei halo bainhira hetan fiar husi povu Munisipiu Bobonaru.” Hakotu Sekretáriu Geral Partidu PDC Geraldo Sarmentu Ximenes
Entertantu partisipasaun iha mini kampaña ne’e militante no simpatizantes husi Partidu PDC sira husi postu Administrativu Atabae Munisipiu Bobonaru hetan observador husi CNE, no mos hetan seguransa husi PNTL Partidu PDC sei kontinua halo kampaña Door To Door iha Postu Administrativu Balibo, munisipiu Bobonaro
Jornalista : Gaudência Belo
Editór : Loluwari
